2017年9月29日 星期五

當媽媽後,自然會出現的有趣舉動!


做左人媽媽之後,
除左買親都係囝囡既野,
手機吾洗講有大量佢地既相外,
仲要每張每秒表情都吾捨得洗走,
其實仲發覺自己會做出一D媽媽先會做既舉動,
吾知你地有無試過呢?!
 
1. 每次餵佢地食野,當佢地張開口時,自己通常都會情不自禁地同佢一齊張大個口,直到阿B合埋口自己先會跟住合埋,不過BB有野食,阿媽就食空氣,有時仲會幫手配埋音 “mmmm”。
 
2.曾經睇過篇文章,建議吾好成日同小B講叠字,話會影響發音學習。有時爸爸放工返黎同阿囡講“抱抱”,“玩玩”,我都會同爸爸講吾好講雙音啦。但其實轉頭自己一日裡頭真係講吾少,換片片,飲奶奶,食餅餅,沖涼涼,換衫衫,去街街……………,明明提過自己,但永遠都會重複,係咪個個媽媽對住BB都會咁嫁?!
 
3. 睡房大床靠牆,以前係我訓入面,老公訓出面,自從陀B開始,方便經常去廁所及落地,就變左訓出面,一訓訓到而家,
因為旁邊係BB床,阿囡有咩動靜,方便阿媽第一時間彈起身,而老公就應該好enjoy訓左入面,因為咩都吾使理。
 
4. 一日總有好幾次會湊個頭埋阿囡個patpat到,聞下佢有無痾臭臭,有時慣左吾記得,出到公共場所一下吾為意會照做,自己做左阿媽當然若無其事, 但如果自己係D街外人都會覺得好嘔心。
 
5. 好耐都無唱過容祖兒既歌,因為而家把口日日都用黎唱兒歌,做左人阿媽吾知點解自然會識返幾首,D發聲公仔發聲書既歌仔一定識唱,方便時不時唱比BB聽。你地首飲歌又係邊首?
 
6. 帶BB出街買野又好,搭又好,總會有途人同BB打招呼引佢玩,此時自己就要好忙咁應對,又要笑臉迎人,又要作狀叫BB向人hi同人bye,吾好意思就咁走左去,又要寒暄幾句,其實出一出街 ,不斷同路人甲乙丙丁打招呼都幾攰,遇正趕時間真係好無奈。
 
7. 以前成個雪櫃都係零食雪糕汽水之類,BB加固後,想佢食野有營養,去親買餸就會不受控地買一大堆蔬果,而家個雪櫃就填滿哂呢五顏六色既野,有時怕擺得耐就連大人都要出動執手尾,所以突然間自己飲食都變得健康埋。

 
我覺得小朋友於不同既成長階段,都會出現好多有趣既事物,之後媽媽既身心習慣都會跟住改變,好感恩我有機會做全職媽媽陪住囡囡每天成長,可以體驗箇中樂趣…各位媽媽你地都有好笑有趣既事分享嘛?


< 許許與小BELLA >
隨性的玩樂型媽~ 未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣, 是個玩樂型媽媽~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~

聯絡我們: jassmine_tea@yahoo.com.hk

~ BLOG足跡 (BEAUTY, LIFESTYLE, DINE, MOM & BABY) ~
TheZtyle  She.Com  BeautyExchange  OpenRice
U BABY  ESD LIFE  MyBB.Com  香港媽咪幫 BlogSpot

2017年9月26日 星期二

BB旅行飲食交流篇


下個月尾帶埋Bella去北海道睇紅葉,
雖然我倆口子去過北海道好多次,
但帶B出遊就是第一次,所以非常緊張,
到時Bella近一歲,
雖然有人仍會問咁細帶佢去旅行有何意思!
其實訂機票前都在網上睇過不少過來人經驗,
亦有考慮過不贊成帶B外遊一方的理由及顧忌,
最後我們還是決定出發, 行程以最HEA為主~
其實爸爸平時早出晚歸,難得放大假,
全職媽媽又真的好想外出抖抖氣,
一家人好好享受親子時光嘛,
再者旅行記憶Bella的確沒有,
但Bella爸媽就永遠難忘。
至於是否值得,辛苦與否,回來後告訴大家吧~
一歲的BB出遊其實是一個尷尬月齡,
特別是飲食方面,
如果月齡小一點就單純飲奶食糊仔,
大些就大人食既小朋友都可以食。
而一歲BB已加了三餐固,
固體又只能吃粥仔BB粉麵無添加食物,
所以我還是決定跟某些媽媽的出遊經驗,
準備好架餐去簡化處理Bella既飲食。

首先說早餐,
Bella會於8點左右飲第一餐奶,
不過我們全程的早餐都安排在酒店食,
日本酒店的早餐都有烚蛋,水果,麵包,
麥片乳酪之類,可以為Bella補給。
二來第一餐認認真真,
又可以坐好D,吾使一包二包行裝。
我問過日本的媽媽,
日本的餐廳多是baby friendly的,
但亦會有些店見到你帶住小朋友就不歡迎,
我唸我還是不會帶Bella去居酒屋吸煙味,
或者d排長龍拉麵店又細又迫去受苦吧。
不過她說日本媽媽每當孩子在餐廳哭鬧,
都會帶他們到店外安撫,以免影響其他人。

首先自帶旅行水壺不可少,
過往酒店的電熱水壺太多核聞不敢用,
好多人都會買一種摺疊式的雙電壓電水壺,
我曾在網店,淘寶等都見過,
不過價錢就有貴有平,都不知有何差別,
最後在日本城見過實物,覺得煲蓋位太窄,
又重膠味,不方便消毒奶樽餐具,
最後在日本樂天, 看中圖中的旅行電水壺,
才百多元港幣,又是雙電壓世界通用,
老實講往後多數都係去日本多,
所以個水壺係日本兩扁腳,
就無需到時再同電話充電掙adaptor!




開煲用食用白醋溝水稀釋煲一煲消毒除味,
0.45L容量不算多但勝在滾得夠快,
裝滿後5分鐘已滾起自動熄制,
在日本用100V電壓時應該只會多一分鐘。
比手掌大些許不太佔空間。

有了電熱水壺就可以沖奶開糊仔,
同時亦會準備定炆燒杯煮粥仔,
萬一BB真正無啖好食,都有餐粥仔食下。
家中有象印的一款已購買多時,
但是500ml太大太高身,
由於要煮BB分量又可直接用匙餵食不用再倒出,
所以我又買了Thermos的270ml款,平時在香港都可以用,
剛好就是Bella一餐加固的份量。

本來心大心細想多買這個旅行電煲仔,
但唸深一層實在太誇張了所以放棄了念頭。

在家用炆燒杯試驗多幾次,以免到時七手八腳。
分別試煮了粥仔及BB粉, 到時如果有時間,
就去超市買BB即食餸菜包混合粥仔,
或者都帶定食開的幾款及BB紫菜過去。







如果天然些又要方便,我想到帶些乾冬菇去,
或買些車厘茄淆粥出味都不錯~ 也可在便利店買雞蛋做烚蛋。

 

希望到時可以得心應手~ 不知媽媽們還有什麼建議?
有經驗的或有好提議不妨指教一下啊~


< 許許與小BELLA >
隨性的玩樂型媽~ 未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣, 是個玩樂型媽媽~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~

~ BLOG足跡 (BEAUTY, LIFESTYLE, DINE, MOM & BABY) ~

2017年9月25日 星期一

[讀者優惠]Swiss Kiss Lab寶貝二合一洗髮沐浴露

幫BB每日沖涼的產品一定要夠溫和,
因為初生嬰孩和小孩的肌膚和頭皮,
都十分幼嫩脆弱,而且亦要經常保持清潔,
以免細菌滋生侵害BB肌膚,
所以每當身體被汗液,油脂或排泄物所弄污,
便需要立即沐浴清潔,
所以在選擇洗髮水或沐浴露時,
都必須以不含化學物質,性質溫和為主,
如使用潔力太強或含刺激性的洗護用品,
就會令皮膚變得乾燥,甚至會出現乾燥,
發紅或痕癢等皮膚問膚。

不知大家有沒有試過Swiss Kiss Lab呢!
聽說這牌子我口碑都不錯,
身邊都有一兩位媽媽幫BB使用,
但我都反而是第一次試,
Swiss Kiss Lab已拎Eco Cert有機認證,
絕對可放心給BB使用。
今次就試了其皇牌,
寶貝二合一洗髮沐浴露。

其實來自瑞士的Swiss Kiss Lab產品不多,
它專針對嬰兒及女性幼嫩肌膚而設,
其皇牌成份就是瑞士阿爾卑斯山泉水,
可淨化肌膚,以及BIOECOLIA專利成份,
>>葡萄糖提取物,
提取自紅甜菜根及粟米的麥芽糖,
也有助保護肌膚。

有關其產品的安全性,媽媽們可以放心,
因產品都是全瑞士製造,
品質與誠信均達國際級標準,
成份也是100%源自天然,純素主義者適用。
而且不含過敏原香料,不作動物測試,
所有產品均通過皮膚臨床測試,
同時也不含以下有問題成份,
如:苯甲酸酯類、鄰苯二甲酸酯、苯氧乙醇、甲醛、硫酸鹽(SLS-SLES)、人造色素和礦物油



幫Bella洗頭時都感覺其質地非常輕柔,
除可潔淨身體及頭髮污垢,
亦可避免損害肌膚的天然防禦力,
洗完頭頭髮都是軟軟的很易梳理。

香味淡淡的,無皂性,
所以初生Baby已經可以用,
除了皇牌成份外,
也加入了蘆薈及瑞士錦葵葉提取物,
含豐富的植物氨基酸,
有效舒緩降紅,以及抗敏感,
所以沖涼洗頭,
甚至用來幫BB浸浴都可以,
BELLA沖完涼好好訓。


SWISS KISS LAB寶貝二合一洗髮沐浴露
                         原價 $268/100ml
★現在“許許與小Bella”讀者,可以快閃優惠價每支$150購買,數量不限★
只需按進以下連結便可購買: https://goo.gl/forms/CTQfTvhoAZZyxV1t2 
快閃優惠日期由2017年9月27至29日止。
< 許許與小BELLA >
隨性的玩樂型媽~ 未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣, 是個玩樂型媽媽~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~
~ BLOG足跡 (BEAUTY, LIFESTYLE, DINE, MOM & BABY) ~

2017年9月24日 星期日

好物分享~FingerFood 的有趣小工具


雖然我無幫Bella行BLW,
一直都係傳統餵食,
不過自從阿囡8個月開始,
我間吾中都會比佢玩下FingerFood,
一來可以訓下手指既活動能力,
二來觀察佢自己揀食物既先後次序,
睇到佢既喜好厭惡,係一件賞心樂事,
我每次都會多比幾款佢揀,
大多都係蔬果之類,
初時直接將食物切長條狀佢都會幫襯,
但最近佢大個左就對條狀無左新意,
拎住來畫畫多過放入口,
所以又要出動我呢個古靈精怪既阿媽動腦筋,
我搵左D小工具去做FingerFood,
務求提起佢既食慾同興趣,
總好過又比加工手指餅星星餅佢執黎食。
今次試左三款小工具,
做出來的成品我自己都幾滿意~

第一款就係好多媽媽都用既“飯波神器”,
12蚊店有售。
放D飯係入面搖搖搖,就粒粒都圓古碌。
其實除左做飯波,亦都可以做肉丸。
阿囡好鍾意食飯,
將吾同食材混入白飯比佢最啱。

今次做左兩款波波,
買左BB紫菜,紫菜係飯糰最佳拍檔,
而且好似識將D飯綁緊咁。
(D飯有麥皮係我自己加的, 紫菜只有單純的紫菜~)



 
另一款係三文魚南瓜蓉飯波,
如果單純用肉或三文魚的話,
因為有油所以飯波一定成吾到型,
加左南瓜蓉就有槳力了。



 
比Bella試自己執飯波來食,
佢對個紫菜飯波好大興趣,
我自己試過都幾好味,
不過佢仲未識控制自己手握力量,
每粒波都會好大力咁握,成手都係,
但還好都放到飯飯入口食。


 
第二款卷針,淘寶搵既,十幾蚊支,
一來可以令食物賣相得意,
二來可以將D好滑既食物卷起身,
無咁易扇手,用法簡單直接,
用吾到既食物部分,
我用來打蓉,煲粥,煲湯。






今次試左紅蘿蔔,青瓜同薯仔,
前兩者好成功引到佢,
但薯仔我忘了煮熟後太粉會散,
所以大家吾使試薯仔南瓜蕃薯之類。


 
第三款係迷你版波波球,12蚊店出品,
頭尾分別兩個size,我多數用係水果,


 今次做左牛油果,木瓜同火龍果,


每粒都好似星星餅咁大size,
係就係會有D滑手,
不過每日tea time,
等佢自己運用下手指,
慢慢執黎食打發時間也不錯,
不過媽媽們要留意BB食FINGERFOOD時,
要係BB旁邊注意佢地以免不小心 啃親啊~

 
 
< 許許與小BELLA >
隨性的玩樂型媽媽~未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣, 是個玩樂型媽媽~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~
~ BLOG足跡 (BEAUTY, LIFESTYLE, DINE, MOM & BABY) ~


2017年9月23日 星期六

明目清熱舒眠:衍生采曈&十星茶

一直以來我對衍生既認識,係香名牌,
亦知道佢地既BB開奶茶及七星茶好出名,
不過今次要飲衍生產品既吾係Bella,
而係我同Bella爸爸。
因為最近衍生推出左兩款新飲品,
大人小朋友都可以飲,
分別係十星茶及采瞳,
兩款飲品都係不加蔗糖砂糖,
只加葡萄糖,而且都係一D天然草本成份,
無添加香料色素防腐劑,健康飲品,
放哂入雪櫃隨時冰凍飲好方便。
呢兩款飲品針對既症候群,
我倆公婆全部中哂,簡直用貼切來形容。


BELLA爸每日放工返來,
就話對眼好攰又澀,主要都係佢份工,
要全日睇住部電腦,睇住一堆數字,
加上呢,放工仲要掛住打機,
對眼吾攰就奇。
而我都經常要對住手機電腦打字,
時不時都會眼濛濛,
我經常打錯字你地都知啦XD!
所以飲“采瞳”最啱,因為主要for明目,
舒緩眼晴疲勞乾澀。
成份方面都係一D天然草本成份,
有余甘子,菊花,烏梅,淡竹葉,桑椹,
黃精及枸杞子,所以亦有清熱作用。


飲前搖一搖勻,
味道幾天然,吾會好甜,
有淡淡烏梅味,幾好飲,
即開即飲好方便。

另外既十星茶就幫助清熱舒眠,
其實Bella爸經常話訓得吾好,
都係因為工作壓力大,
而我就容易熱氣,所以好頭痛,
訓得好差,間吾中要清熱,
不過又吾可以太涼否則搞到頭暈。
十星茶成份有仙草,菊花,羅漢果,
金銀花,淡竹葉,甘草,
薏苡仁,山楂烏梅同麥芽。


味道方面,同樣吾會似糖精,
飲到有少少羅漢果味,好易入口,
Bella爸叫我用佢雪凍做雪條,
建議幾好,遲下可以試試。

兩款健康飲品既銷售點有好多,基本上係周圍都有得買,吾使再去搵涼茶舖或自己花時間煲涼茶喇。

銷售點:7-11,惠康,屈臣氏,華潤萬家,VanGo,裕華國貨,健怡坊,各大藥房及士多。
< 許許與小BELLA >
隨性的玩樂型媽~ 未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣, 是個玩樂型媽媽~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~
~ BLOG足跡 (BEAUTY, LIFESTYLE, DINE, MOM & BABY) ~